23.10.08

Terkel i knibe
Zoolander
Leon
P.S. I love you

London
Italia
Spánn
Germany

4 netsíður

www.facebook.com
www.erlamalen.bloggar.is
www.gmail.com
www.videostic.com

fernt matarkyns

19.okt

Það er ekki talað um annað en kreppuna þessa dagana og að Ísland sé að fara "bankerot", ég hef tekið þá ákvörðun að tala EKKERT um það, við getum rætt þetta þegar það er komin lausn á málunum.

Vikan hefur verið frekar busy, super bazar í Magasin þannig að það hefur verið nóg að gera. Var samt í fríi um helgina og fórum við skötuhjú í 80-90 party hjá Þórdísi, allir í búningum og rosa stuð. Hægt verður að sjá myndir seinna í dag á facebook  En það eru engin lát á partystandi hérna því að í næstu viku er Halloween party hjá Claudine fyrir okkur stelpurnar í vinnunni. Er komin með búning og verð ég klædd eins og pirats of the carabian dama, hadiði að ég verði flott eða???

Jæja, nenni þessu alveg ómögulega, en allavega búin að láta vita af mér

12.ágúst

Jæja, það hlaut að koma að því að ég "nennti" að blogga..

En allavega erum við (löngu) komin heim eftir yndislegt sumarfrí á Íslandi, þar sem var djammað í Reykjavík, farið á Jökulsárlón og Skaftafell. Keyrt í gegnum hálendið með næturstoppi í Landmannalaugum, farið í jarðböðin í Mývatnssveit, tippasafnið á Húsavík skoðað og farið í rafting. (það stóð uppúr hjá dananum)
Svo fórum við í brúðkaup hjá Strúllu frænku og Bjarka og ég fór í brúðkaup til Drafnar og Mána, enn og aftur innilega til hamingju Fyrir utan það voru vinir og vandamenn heimsóttir og segji ég bara takk til ykkar allra fyrir frábæran tíma..

En svo ég snúi mér að öðru. Ég skellti mér í aðgerð á fimmtudaginn til að láta fjarlægja 2 sinahnúta á ristinni á mér (sem reyndust svo vera heill klasi, puha) þannig að ég er búin að liggja heima og vorkenna sjálfri mér síðan fyrir helgi. En maður myndi nú halda að sambýlingurinn hefði þá dekrað við mann, en nei. Hann var blindfullur á festivali alla helgina og ég sat alein heima og gat mig hvergi hreyft En þetta er allt saman að koma og ég get orðið skakklappast um íbúðina.

Svo var nú planið að skella sér til hennar Dúllu í sept en sökum fjárhags ákvað ég að láta það bíða til betri tíma, en gat náttla ekki bara verið heima hjá mer þannig að ég fann mjög svo ódýra helgarferð til Glasgow og verð ég þar 18-23 sept. Jiii hvað ég hlakka til!!!

Anyways, við tókum fullt af myndum á klakanum en þær eru allar í tölvunni hans Mads og hún er eins og er ekki tengd við netið. En því verður nú reddað innan skamms og þá skelli ég inn fullt af myndum.

Jæja, komið nóg í bili.

Skakklappa

Hej igen. Búin að skella inn fullt af myndum. Er undir "myndirnar mínar" hérna hægra megin á síðunni

10.júlí

Já, í dag er 10. júlí og við erum að koma á MORGUN!!! Jii get ekki beðið. Allt að verða klárt og bara smá vinna í fyrramálið og svo verður lestin tekin til Kastrup seinnipartinn.
Ég verð með gamla nr mitt á Íslandi, held að nr sé 849 6876, endilega leiðréttið mig ef ég fer með rangt mál.
Ég vona allavega að ég sé með rétta kortið, ef ekki þá verð ég með danska nr mitt þangað til.
Vona að ég heyri í ykkur flestum á suðvestur horninu á laug, það er nefnilega djamm lørdag aften!!!

Vi ses snart

1. júli

Fyrsti júlí í dag, rosalegt hvað tíminn líður. Mamma á afmæli eftir 3 daga, Roskilde festival byrjar á fimmtudaginn og síðast en ekki síst þá erum við að koma eftir 10 daga!!!!
Í tilefni þess að við séum að koma keypti ég nýja myndavél. Búin að vera myndavélalaus síðan ég missti hana á götuna fyrir utan Kaffi AK á annan í jólum. Ofboðslega er ég glöð núna, þarf bara að fara að smella af í gríð og erg nú og setja eitthvað inná síðuna

Annars bara gott hljóð í okkur skötuhjúum, pa og ma voru hérna í lok júní og gengum við meðal annars uppá Himmelbjerget, tókum með okkur epli og læti en skellihlóum þegar á toppinn var komið!! Við ákváðum svo að taka tímann á niðurleið. Við vorum sem sagt 2 og hálfa mínútu, pabbi hafði orð á því að þetta hefði verið hans besta fjallganga, stutt og þægileg

Mads fór svo í munnlegt próf þegar gömlu voru hérna hjá okkur. Hann hafði í nokkrar vikur setið sveittur yfir verkefni sem hann átti að skila fyrir prófið og svo átti hann að fara að verja verkefnið sem og draga spurningar og svara og sýna þannig prófdómurnum hvað hann hefði fylgst vel með í vetur. Hann mætti svo hingað heim kófsveittur og eldrauður í framan og með tvær 10-ur, eina fyrir verkefnið og aðra fyrir munnlega prófið, frábær árangur 

En hér á bæ er bara verið að telja niður dagana, er hreinlega að hugsa um að byrja að pakka fljótlega, svo mikill er spenningurinn..

Hlakka til að sjá ykkur öll sömul

9. Júní

Hæhó allir saman.
Hér í Danmörku er búið að vera yndislegt að vera, 25 til 30 gráður í 2 vikur. Ég er búin að nota allann minn frítíma útí garði eða á ströndinni og Mads að gera verkefni þannig að það hefur ekki verið gert handtak á heimilinu, alveg kominn tími og stórhreingerningu

Mamma og pabbi eru væntanleg eftir 9 daga (jamm er að telja niður) og ætla að eyða 5 dögum með okkur. Planið er að fara til Skagen og á Fyn á eitthvað slot og bílasafn og svo býst ég nú passlega við því að ég og mamma kíkjum aðeins í búðir. Magasin byrjar einmitt með sumarútsöluna 2 dögum eftir að þau koma og þar sem ég er komin með listana, þá er ég að sjálfsögðu farin að plokka það besta og taka frá fyrir mig, muhaha...

Svo erum við Mads væntanleg til Íslands þann 11. júlí. Þetta verður langt og gott frí í þetta skiptið, ætlum ekki aftur heim fyrr en þann 30. júlí. 11 er föstudagur og ætlum við að eyða helginni í Reykjavík þannig að þeir sem vilja koma út á lífið á laugardeginum rétt upp hendi

Á mánudeginum koma mamma og pabbi svo suður og verður haldið í hálandaferð og verðum við ekki komin til Akureyrar fyrr en á fimmtudegi eða föstudegi. En þá verðum við allavega búin að túristast og getum farið að hitta ykkur öll sömul og "hygge" okkur..

Jæja, ætla að skella mér aðeins út og ná síðustu sólargeislunum áður en það fer að rigna. og ég vil fá betri undirtektir í þetta skiptið og fleiri komment!!!

Ást til ykkar

28. maí

3 apríl síðastliðinn pantaði ég mér íslenskt heimasímanr. Eftir næstum því 2 mánaðar bras og leiðindi (Hive er ekki alveg að standa sig) þá er allt saman klárt.
Þið getið sem sagt hringt í mig í síma 496 2080 og borgið þar að leiðandi bara eins og þið séuð að hringja í íslenskan heimasíma og ég hringi FRÍTT í ykkur  
Held ég eigi eftir að eiga í ástarsambandi við nýja símann minn næstu daga og þið megið pottþétt eiga von á símtali.
Hlakka til að heyra í ykkur elskurnar mínar
P.s Það er spáð 30 gráðum fram yfir helgi og ég er í helgarfríi, NICE
Later..

18. maí

6 maí

Já byrjun maí og dagurinn búinn að vera yndislegur!! Var í fríi í dag og þar sem það er búið að vera 20 gráður þá ákvað ég að eyða deginum í leti í garðinum hérna við hliðina. Lagði af stað með teppi, góða bók og nýja diskinn með Vilhjálmi Vilhjálmsyni sem ég fékk sent í sumargjöf frá gömlu. Lá og "hyggede" þangað til Mads kom úr vinnunni og kom heim með þónokkurn lit (örlítið rauðan samt)
En svona á vikan að vera, 20 gráður og svo 24 á laugardag, ekki slæmt að vera í Danmörku þessa dagana!!

Ma og pa eru búin að bóka ferð hingað til okkar í sumar, eru væntanleg 18 júní og verða til 24, er farin að dauðhlakka til og LÖNGU byrjuð að skipuleggja allt það skemmtilega sem við ætlum að gera

Annars var ég búin að ákveða að fara til Portugals í sumar, en sökum mikillar heimþráar þá náði ég að lokka Mads með til Íslands í staðinn!! Erum væntanleg í júlí (dagsetningar ekki alveg komnar á hreint) og ætlum að vera í 2 vikur. Er stefnan tekin á hálendið með gömlu og svo er ég eiginlega búin að lofa river rafting, vill einhver með??
En ég er alveg að deyja úr spenningi, það verður svo yndislegt að komast aðeins heim og knúsa ykkur klakabúa

Jæja, Private practice er að byrja.
P.s takk fyrir öll kommentin í seinasta bloggi, reikna með enn fleirum í þetta skiptið!!
Knus á ykkur

HÆHÓ

Sæl veriði.
Ofboðslega er ég svekkt yfir því að ég hafi hent myndavélinni minni í götuna sem gerir það að verkum að hún virkar ekki!!
Veðrið í DK er nefnilega alveg YNDISLEGT. Sól og blíða og milli 10 og 15 gráður hér í Århus seinustu 4 dagana.
Vorum hjá tengdó á laugardaginn og nýttum við góða veðrið út í garði, berfætt og á stuttermabol í fótbolta eftir að Mads var búinn að slá grasið
Annars er ég ennþá í helgarfríi. Á föstudaginn var Store bededag þannig að allt var lokað og allir í fríi þannig að ég er búin að eiga 4 daga helgi. Við fórum 4 stelpur úr vinnunni út að borða á fimmtudaginn eftir vinnu sem endaði með svaka djammi langt fram á nótt, ekkert smá gaman hjá okkur.

Fékk símtal í seinustu viku, Alfa hringdi og tilkynnti mér að hún Lilja Dögun væri LOKSINS komin í heiminn, TIL HAMINGJU MEÐ SNÚLLUNA. Hún er ekkert smá æðisleg og með næstum því jafn mikið hár og ég

Mads var að byrja í nýrri vinnu í dag, hann var orðinn hundleiður á gömlu vinnunni og hlakkaði mikið til hérna í morgun og var kominn á fætur fyrir allar aldir, hlakka svo bara til að heyra frá fyrsta deginum þegar hann kemur heim!!

Annar var ég "godkendt" í seinustu viku fyrir "talentprogrammet" ég byrja í lok mai og hlakka mikið til, þetta hljómaði allt saman rosalega spennandi og örugglega mjög skemmtilegt en samt sem áður krefjandi. Vona bara að ég komi til með að leysa þetta "verkefni" vel!!

Jæja komið gott í bili, langar svo að biðja ykkur um að kvitta fyrir innlitið, því fleiri komment sem ég fæ, því meiri löngun hef ég til að blogga

Knus og kram fra Malen som bare elsker det dejlige forår!!